आमदार होण्यापूर्वीच " आमदार" म्हणून मिरवणुक... अभिजीत आबा पाटील

 पंढरपूर ( प्रतिनिधी) माढा विधानसभा मतदारसंघांमध्ये श्री विठ्ठल सहकारी साखर कारखान्याचे चेअरमन अभिजीत आबा पाटील यांनी निवडणूक पूर्वीच गावभेटीचा दौरा संपूर्ण माढा मतदारसंघांमध्ये सुरू केल्यामुळे त्यांचे सर्वत्र उत्साहाने स्वागत करण्यात येत आहे. माढा तालुक्यातील वडोली या गावांमध्ये अभिजीत आबा पाटील हे गाव भेटीसाठी गेले असता चक्क ग्रामस्थांनी अभिजीत पाटील यांची घोड्यावरून मिरवणूक काढून मोठ्या उत्साहात स्वागत केले. घोड्यावर बसण्याचा व मिरवणूक काढण्याचा प्रसंग आयुष्यामध्ये लग्नाच्या वेळेस येतो. परंतु वडोली गावच्या ग्रामस्थांनी माझ्यावरील प्रेमापोटी त्यांनी मला घोड्यावर बसून हलगी ताशाच्या तालात आमदार होण्यापूर्वीच आमदार म्हणून अविस्मरणीय मिरवणूक गाव ग्रामस्थांनी काढली. त्यांच्या या प्रेमाने मी भारून गेलो आहे असे मनोगत श्री विठ्ठल सहकारी साखर कारखान्याचे चेअरमन अभिजीत आबा पाटील यांनी व्यक्त केले. यावेळी बोलताना अभिजीत पाटील म्हणाले माढा विधानसभा मतदारसंघांमध्ये असंख्य प्रश्न हे प्रलंबित आहेत. विकास कामे रखडलेले आहेत. यावर एकच तोडगा तो म्हणजे बदल करणे. आपल्याला या मतदारसंघांमध्ये प्रचंड काम करण्याची संधी आहे शेतकऱ्यांचे हित डोळ्यासमोर ठेवून अविरत काम करण्याची भूमिका जनमानसात मिसळली की आपोआप जोड लागते. यावेळी वडोली चे सरपंच सतीश काळे, डीव्हीपी बँकेचे नूतन चेअरमन औदुंबर महाडिक, उपसरपंच साधून पडळकर विविध कार्यकारी सोसायटीचे चेअरमन शंकर सुरवसे, धनाजी काळे, प्रगतशील बागायतदार भगवान बंडगर, गोरख पडळकर यांचा आधी ग्रामस्थ उपस्थित होते.