"दि.पंढरपूर मर्चंट को-ऑपरेटिव्ह बँकेचे कर्मचारी सुरज गवळी यांच्या संत रोहिदास महाराज दिंडी क्र १३ या वारकरी दिंडीला शासनाकडून एक लाख रुपये रोख पारितोषक" सर्वत्र कौतुक व अभिनंदननाचा वर्षाव

 

पंढरपूर ( प्रतिनिधी ) दि .पंढरपूर मर्चंट को-ऑपरेटिव्ह बँकेचे कर्मचारी सुरज गवळी यांची श्री संत रोहिदास महाराज दिंडी क्र.१३ रथा पुढे ही वारकरी दिंडी  आळंदी ते पंढरपूर मार्गे विठुरायाच्या नगरीमध्ये दरवर्षी दाखल होत असते. या दिंडी मधील सर्व वारकरी भाविक भक्त हे आळंदी ते पंढरपूर येत असताना या मार्गावर स्वच्छतेचे महत्व लोकांना सांगत या मार्गावर ठिकठिकाणी स्वच्छता करून एक नवीन आदर्श वारकरी संप्रदाय मध्ये रुजविण्याचे काम ही दिंडी करीत असते.आणि संपूर्ण आषाढी ची वारी ही निर्मल वारी म्हणून ओळखली जावी म्हणून सातत्याने या दिंडीचा प्रयत्न असतो. महाराष्ट्र शासनाने जाहीर केल्याप्रमाणे निर्मल वारी साठी शासन एक लाख रुपये रोख पारितोषक ही अशा दिंडींना प्रदान करत असते. सुरज गवळी व शंकर गवळी यांच्या संत रोहिदास महाराज दिंडी क्र १३ या वारकरी दिंडीला यंदाचा निर्मल वारीचा नंबर  एक पुरस्कार व बहुमान म्हणून एक लाख रुपये रोख रकमेचे पारितोषिक महाराष्ट्र राज्याचे मुख्यमंत्री देवेंद्र फडणवीस यांच्या हस्ते प्रदान करण्यात आला. यावेळी उपस्थित म्हणून सोलापूर जिल्ह्याचे पालकमंत्री जयकुमार गोरे ,पंढरपूर मंगळवेढा मतदारसंघाचे आमदार समाधान दादा अवताडे, मंदिर समितीचे अध्यक्ष औसेकर  महाराज व अन्य मंदिर समितीचे सदस्य उपस्थित होते.

     सुरज गवळी हे दि पंढरपूर मर्चंट को-ऑपरेटिव्ह बँकेचे कर्मचारी आहेत. त्यांच्या या सेवाभावी व स्वच्छता मोहीम व निर्मल वारी होण्यासाठी दरवर्षी त्यांची दिंडी प्रयत्न करत असते. या त्यांच्या संत रोहिदास महाराज दिंडी क्र १३ या वारकरी दिंडीला निर्मल वारी पुरस्कार नंबर १ म्हणून महाराष्ट्र शासनाच्या वतीने एक लाख रुपये पारितोषिक देऊन त्यांचे कौतुक व अभिनंदन केले गेले. 

   यानिमित्ताने दि पंढरपूर मर्चंट को-ऑपरेटिव्ह बँकेचे चेअरमन व संचालक मंडळ आणि कर्मचारी वर्ग यांच्या वतीने सुरज गवळी यांचे अभिनंदन व कौतुक करण्यात आले.

  यावेळी बँकेचे व्हाईस चेअरमन शिखरे, माजी चेअरमन नागेश काका भोसले ,सोमनाथ काका डोंबे, सुधीर भोसले अमरजीत पाटील, परदेशी, सुनील मोहिते आणि बँकेचे व्यवस्थापक अतुल म्हमाने व कुलकर्णी व अन्य कर्मचारी वर्ग उपस्थित होता