"बैठकी वर बैठकी घोंगडी बैठकी" अभिजीत आबा पाटील महायुती साठी सक्रिय...

 पंढरपूर ( प्रतिनिधी) सोलापूर लोकसभा मतदारसंघातील भाजपाचे उमेदवार राम सातपुते आणि माढा लोकसभा मतदारसंघातील भाजपाचे उमेदवार रंजीत सिंह नाईक निंबाळकर यांच्या प्रचारार्थ श्री विठ्ठल सहकारी साखर कारखान्याचे चेअरमन अभिजीत आबा पाटील यांनी महाराष्ट्राचे उपमुख्यमंत्री देवेंद्र फडणवीस यांच्या विनंतीला मान देऊन त्यांनी महायुतीच्या दोन्ही उमेदवाराला आपला  पाठिंबा दिला आहे. 

      अभिजीत पाटील यांचे जण माणसांमध्ये असलेले एक उजळ प्रतिमा ही भाजपाच्या दोन्ही उमेदवाराला लाभदायक ठरणार आहे. अभिजीत आबा पाटील यांना मानणारा बहुसंख्य तरुण वर्ग त्याचप्रमाणे शेतकरी, कष्टकरी, ऊसउत्पादक सभासद हा मोठ्या प्रमाणात असल्यामुळे अभिजीत आबा पाटील यांनी या दोन्ही लोकसभा मतदारसंघातील ग्रामीण भागामधून घोंगडी बैठकीचे आयोजन करून भाजपा सरकारला देश पातळीवर निवडून आणण्याचे आवाहन ते करीत आहेत. पंढरपूर तालुक्यातील खेड भाळवणी, शेळवे ,भंडी शेगाव, उपरी या भागामधून त्यांनी घोंगडी बैठकीच्या माध्यमातून मोदी सरकारने केलेल्या कार्याचे माहिती सर्वसामान्य जनतेला ते देऊन भाजपाला मतदान करण्याचे आव्हान त्यांनी केले आहे.